我係依家喺香港教育大學讀緊中國語文教育（中學）嘅學生。由於學校有教師培訓課程，所以我喺今年都用咗兩三個月時間入小學教學，所以有一套教學方法。當我同小學生溫習時，比較鐘意用活動、遊戲，希望令到唔鐘意中文、覺得中文沉悶嘅學生，都可以認識更多。 喺香港中學文憑試入面，我中文科目卷二卷三都獲得5*嘅成績，而全部分卷拉勻就有5。另外，中文科一直都係我有信心有興趣嘅科目，所以去到大學嘅時間，都選擇繼續修讀。所以除咗打好基礎中文知識之外，如果想有進一步進修或者想奪星，我都有興趣、有信心處理。如果需要一啲我喺大學時間寫嘅創作文章，我都可以提供。另外，喺應考時間我都積累咗大量嘅補習素材，可以俾到學生睇。我亦都曾經試過用一個月時間，同中六應屆考生練習卷二，亦啫係作文卷。 喺香港中學文憑試入面，我數學科目就有5嘅成績。我本身都唔係一個數學好好嘅人，但靠慢慢操練打好基礎，亦靠唔同嘅方法更有效咁應對考試，所以最終都有呢個分數。所以如果學生希望4上5，或者係保證有4，或者係需要打好數學基礎，或者希望短時間內提升分數應對考試都可以搵我。而我喺應對卷二亦啫係MC時有較多方法、技巧，相信可以幫到學生衝上分數 除咗因為修讀教育學位有較多入校教學嘅經驗外，我哋喺學習期間都有學到大量嘅教學方法，亦掌握到依家學校嘅趨勢、教學方式，所以可以融合唔同方法，搵出最啱學生嘅做法。如果希望直接搵到我問多啲野，都可以打21176789。 希望家長、同學都可以有一個好成績啦！