導師編號160265

我係2023年DSE考生，畢業於中文中學，後來入讀科大理學士，但考慮到pgde嘅競爭激烈，所以選擇直接tran咗去教育大學讀數學 我中學畢業之後都有開始幫人補習，返緊補習社，亦都有間唔中返母校教數學，喺補習社有教中小學生，我教小學生全科、功課輔導，而教中學生就大部分都係數同M1。 我會根據學生嘅學習進度同風格而調整教學方法，我都成功協助多位學生喺成績上有進步，亦都教過好幾個SEN學生。 我畢業於中文中學，初中所有科目都係用中文教，但高中入咗精英班，所以數學M1都係用英文教，我深信學習唔單單係知識嘅傳遞，更重要嘅係激發學生嘅學習興趣同建立解題嘅信心。我相信學校老師都教咗好多知識上嘅嘢，我會更加想增強佢哋嘅讀書興趣先，因為我會覺得只要你有興趣去讀，就一定會讀得冇咁辛苦。我注重釐清學生嘅基礎概念，透過清晰嘅講解、針對性嘅練習同耐心嘅指導，協助學生克服學習難點，掌握有效嘅學習技巧同解題策略。同時，我會同學生及家長保持良好嘅溝通，定期匯報學習進度。 我都有耐心、細心、負責任、善於溝通，可以營造積極嘅學習氛圍，鼓勵學生主動發問同思考。 而我都歡迎學生喺課堂外嘅時間嚟問我功課或者學業上嘅問題，亦都唔介意大家同我分享佢哋嘅困難，但求幫到人。