導師編號165548

我係2023年DSE畢業生，之後讀咗副學士（主修生物醫學），而家升咗上視光學學士。老實講，我DSE嗰陣成績唔算好理想，但就係呢段經歷，令我學識點樣喺唔完美嘅基礎上進步，點樣調整自己嘅心態同學習方法。 我唔係天才型學生，所以我好明白好多學生面對嘅困難——例如明明有努力，但成績總係追唔上。其實問題唔係「唔夠叻」，而係「方法唔啱」。所以我教書時好著重幫學生搵返最適合佢哋嘅學習方式，用淺白、實際嘅例子去講解，令知識唔再抽象。 我主打教理科，尤其係 中文生物以及中文化學相關科目。我會用生活例子同小故事去解釋concept，令學生容易吸收之餘又唔會覺得悶，同時都會教應試技巧、筆記整理方法，幫大家準備好考試。 教書對我嚟講唔淨係傳授知識，而係希望幫學生搵返自信。因為我自己都試過由谷底慢慢爬返上嚟，所以我知道，只要有正確方向同堅持，成績真係可以追得返。 如果你想搵一個明白你、肯陪你行埋一齊努力嘅導師，我諗我會係一個你可以放心畀力試下嘅人。