导师编号101948

【基本情況】 本人黃靖茵，喺香港出生同長大，中學畢業於Heep Yunn School，之後入讀香港中文大學修讀酒店及房地產管理學士學位。本人喺2024至2025年間喺韓國漢陽大學修讀MBA（韓國及亞洲商務課程），全程用韓文上堂，對韓文語法同埋日常/商務會話都有深入理解。本人教學風格比較有耐性，尤其擅長用廣東話同韓文之間嘅語言邏輯做比較，幫學生更快理解發音同語法結構，特別適合香港學生嘅學習思維。 【個人成績】 本人考取TOPIK（韓國語能力測驗）6級，即係官方最高等級，總分230/300（聽力80、閱讀90、寫作60）。本人亦曾喺韓國生活、讀書同工作足足三年，喺LG CNS擔任海外業務開發職位，日常工作全部用韓文同英文進行，實戰經驗豐富。 【教學/補習經歷】 本人有兩年以上教授韓文嘅經驗，主要對象係香港學生，範疇包括日常生活會話、TOPIK考試備考，同埋商務韓文。因為本人同時精通廣東話、英文、國語同韓文四種語言，所以除咗香港學生之外，亦可以教授國際或者中國內地嘅學生。 【個人優勢】 本人可以提供自己編寫嘅韓文學習筆記，內容涵蓋初級到中高級文法、常用會話句式，同埋TOPIK考試技巧總結。本人亦可以根據學生嘅背景（例如打算去韓國讀書、工作，或者純粹興趣）度身訂造教學內容，令學習更加貼合實際需要。