导师编号168872

Hello ☺️ 我曾經喺英國留學五年，畢業於 Brunel University London，取得物理治療學一級榮譽學位（First Class Honours）。中學就讀香港傳統 Band 1 學校，可以用廣東話或者全英語授課，亦會因應學生程度同習慣去調整教學方式。 我幾鍾意同小朋友相處，亦有唔同年齡學生嘅教學經驗。之前曾經教過 5–10歲小朋友嘅大班數學課程，學生上堂都好投入，亦收到唔少正面評價。另外，我亦有一對一補習中學生 Science，同埋協助 A-Level 數學學生溫習及處理課題嘅經驗。 我明白每個學生嘅程度、性格同學習方式都唔一樣，所以我唔會用同一套方法教所有人。上堂前我會先了解學生邊方面比較弱、平時最容易卡住嘅地方，再慢慢拆解概念，用簡單易明嘅例子一步一步講解。相比叫學生死記答案，我更希望佢哋真正明白點解要咁做，之後遇到類似題目都識自己處理。 我主要可以幫幼稚園、小學同初中學生： ✅ 跟進及檢查功課 ✅ 溫習默書、測驗及考試 ✅ 初中數學及生物科補習 ✅ 重溫學校課程及鞏固基礎 ✅ 按需要提供筆記及練習題目 ✅ 課後可透過 WhatsApp 問功課 ✅ 面授或網上授課均可 ✅ 上課時間及頻率可以彈性安排 我為人有耐性，亦會盡量令課堂氣氛輕鬆一點，令學生唔怕答錯、敢主動問問題。除咗完成學校功課，我亦希望幫學生慢慢建立信心同良好學習習慣，令學習冇咁大壓力，亦更有成功感。 如果學生有興趣到英國升學，我亦可以分享留學準備同生活經驗。希望有機會陪住學生一齊進步 ☺️