导师编号169072

【個人簡介】 大家好，我係樹仁大學工商管理系Year 4學生，一直都幾鍾意同小朋友相處，都幾有耐性，唔會心急㷫小朋友。我做功課輔導嘅時候會先了解小朋友嘅學習習慣同弱點，度定進度同方法，再定期同家長update小朋友嘅情況，令家長安心。 【學術背景】 本人在校成績優異（GPA 3.6/4.0），曾喺內地讀書並應考高考，中文、數學根基紮實，適合輔導小學至初中程度嘅功課同溫書。 【補習/教學經驗】 曾任補習社Tutor（助教），協助跟進學生功課及默書溫習；亦長期指導細妹做功課，接觸過唔同性格嘅小朋友，明白每個小朋友嘅學習習慣同需要都唔一樣（有啲比較心急、有啲比較慢熱），所以會因應小朋友嘅情況嘗試調整教學方式，慢慢摸索最適合佢哋嘅溝通同學習節奏。喺大學亦有幫同學溫書、講解功課嘅經驗。 【個人優勢】 - 有耐性、識得同小朋友平等溝通，會因應小朋友性格調整相處方式，唔會俾太大壓力小朋友 - 會主動跟進功課進度，定期同家長匯報學習情況，如發現小朋友有特別困難嘅地方會同家長商量點樣配合 - 上堂時間可以配合小朋友學校/興趣班時間表，靈活協商 - 如臨時有事需要調整時間，會提前通知，唔會無故爽約 【教學理念】 每個小朋友嘅性格同學習方式都唔同，我會用心觀察、慢慢了解，盡量搵到適合佢嘅方法，同家長保持溝通，一齊幫小朋友進步♥️希望可以用耐性同用心，幫小朋友養成良好嘅學習習慣，等家長都可以放心。 📌 可輔導範圍：小學至初中功課輔導、默書溫習、考試溫書 📌 時間：可靈活協商，配合學校/興趣班安排