好快第一個sem要結課啦！面對暑假的來臨，好多大學生都表示想穩翻份短期工作，一黎可以充實下自己，二黎可以充實下自己CV，為左以後畢業做準備。CV空寥寥，一啲競爭力都冇感樣點得呢！香港大多數公司工作的requirements表示都會請有相關工作經驗嘅人，所以作為大學生，點樣令到自己嘅CV更出彩呢？下面就一齊睇睇啦！

相關實習

實習，是現在的學生非常熱衷的一種學習方式。雖然好多實習生都系無薪工作，甚至可能要倒貼，但系為左個CV靚，所以都系覺得值得嘅，就當系「交學費」。從事與自己相關專業嘅實習工作，不但可以將書本嘅理論知識轉換成實踐行動，更加深對專業知識嘅理解，亦可以開拓人脈，在現代職場當中，「識人好過識字」，實習可以同公司嘅高層建立聯繫，為畢業出來工作打好基礎，係一個唔錯嘅選擇。

兼職

兼職是以完成工作任務為主，在短假期內賺到錢之餘，還可以充實到自己。但如果系想幫到自己CV嘅，就建議各位同學仔可以去穩翻提升自己專業技能嘅兼職，對自己以後所想從事嘅工作可以運用上尼種技能，對與個人成長亦是極其重要的，即使系兼職經驗都可以具備出色嘅skills。甘樣兼職嘅經驗都不妨寫上CV度，僱主都會考慮下嘅！

義工經驗

相比與實習和兼職之下，義工則是鮮有人問津。做義工，真只是體驗人生？其實唔系嘅，公司亦都會看重義工經驗，義工經驗系對社會有責任感嘅體現。近來愈來愈多公司開始將申請者的義工經歷納入考慮，僱主比較關心學生在義工經驗當中的commitment，義工做得愈長，愈能體現該求職者尼方面的態度。所以做義工真係一件一舉兩得嘅事！

(圖片源自網絡)

技能和興趣

唔想實習，唔想做兼職，更唔想做義工？甘就在短假期間好好學習各種技能和培養興趣喇！建議各位同學仔可以自學習一下自己感興趣嘅專業資格知識，考翻一兩個證書傍下身，提升自己專業知識之餘，日後搵工都可以事倍功半喇！目前網絡上都有很多資源，也有不少小程式、app供大家學習，趁住假期幫自己充充電提升下自己。

無論係邊種嘅工作方式，都有助於各位同學嘅個人成長，都可以系搵工路上的絕佳助力。希望各位同學仔都可以充實好自己嘅CV，畢業後拿到自己心水嘅offer喇！

本文章內容純屬個人分享，並不代表本網誌之言論及立場