浸大讚焚化爐 區議員踩場

話教授干涉港內政 男子被逐

浸大噚日個研究發表原本好地地，主要話依家焚化發電設施好好，二噁英排放會好低，仲叫政府發展埋做清潔能源；不過一到傳媒發問時候，李桂芳就力數焚化爐有咩唔好，鬧政府源頭分類做得唔好，起焚化爐好難令人放心。

屯門區議員替屯門居民反對焚化爐都好合情理，不過一個坐呢個區議員附近、無講自己係乜水男子劈頭第一句就針對中山大學環境科學與工程學院夏北成教授，話人地干涉香港內政，仲質疑人地係做說客。主講教授睇唔過眼，截停佢，兩個踩場者最後拂袖而去。