【明報專訊】我校4月中開始轉季，學生陸陸續續將冬季校服收好，迎接夏天的來臨。但上星期的天氣變幻莫測，時而「暖笠笠」，時而「凍到震」。某天上午天氣十分「翳焗」，而且四處「濕立立」，學生穿著短褲上課也不感到涼快，誰知道下午天氣突然轉涼，加上「落雨絲濕」，他們都冷得牙關打顫。

香港人談論天氣時，經常都會用到上述口語，你知道這些用語怎樣以書面語寫出來嗎？

同學謹記以下口語並不適合用於書面表達，要以書面語表達類近意思，請按需要運用不同的字詞代替。

1.今日行街好似特別翳焗咁，唔通就打風？ -- 翳焗→____

2.香港春天濕度好高，學校周圍都濕立立，連衫都好難乾。 -- 濕立立→____

3.行行下街突然落狗屎，好彩有帶遮！ -- 落狗屎→____

4.出面橫風橫雨，你都係留屋企，唔好出去喇。 -- 橫風橫雨→____

5.我最怕夏天陣去街場打籃球，打唔夠5分鐘，個身就會黐立立，好唔舒服。 -- 黐立立→____

6.個日頭咁猛，我不如去食支雪條消消暑啦！ -- 日頭猛→____

7.在涼亭下涼，涼浸浸清風吹過塊面，真係好爽！ -- 涼浸浸→____

文：蘇真真